Onion Price : కన్నీళ్లు పెట్టిస్తున్న ఉల్లి.. ఇక ధరలు మరింత పెరుగుతాయామో?

సాధారణంగా ఉల్లిపాయల ధరలు సెప్టంబరు నుంచి పెరుగుతుంటాయి. కానీ ఒకనెల ముందుగానే షాకిస్తుంది. మహారాష్ట్రలో ఉల్లిపంట దెబ్బ తినడంతో పాటు దిగుమతి కూడా తగ్గింది. కర్నూలు మార్కెట్ లో ఉల్లి ధరలు ఆకాశాన్నంటుతున్నాయి. కర్నూలు జిల్లాలో ఉల్లిసాగు ఎక్కువగా ఉంటుంది. కానీ ఏటా 30 వేల హెక్టార్లల పండే ఉల్లి ఈసారి తొమ్మిది వేల హెక్టార్లకే పరిమితమయ్యింది. వర్షాలు లేకపోవడం వల్లనే ఉల్లి దిగుబడి తగ్గిందని రైతులు చెబుతున్నారు. ప్రస్తుతం కర్నూలు ఉల్లి మార్కెట్ లో క్వింటాల్ ధర మూడు వేల రూపాయల ఐదు వందల రూపాయల వరకూ పలుకుతుంది. రైతులు తమ పంటలకు మంచి ధర లభిస్తుందని ఆనందం వ్యక్తం చేస్తున్నప్పటికీ వినియోగదారులు మాత్రం ఉల్లి ధరలను చూసి లబోదిబో మంటున్నారు.